Andijon davlat texnika institutida tyutorlik lavozimi uchun 1 ta bo‘sh ish o‘rni mavjud.
Nomzodlar ochiq tanlov asosida ishga qabul qilinadi.

Tyutor lavozimida faoliyat yuritish istagidagi nomzodlardan 2026-yil 25-oktabrga qadar quyidagi hujjatlarni Andijon davlat texnika institutining Yoshlar bilan ishlash, ma’naviyat va ma’rifat bo‘limiga taqdim etishlari so‘raladi:

📄 Pasport nusxasi
📄 Ma’lumotnoma (obyektivka)
📄 Diplom nusxasi

📌 Malaka talablari

Andijon davlat texnika institutida tyutorlarni ishga qabul qilish jarayonida O‘zbekiston Respublikasi Vazirlar Mahkamasining 2025-yil 17-oktabrdagi 656-son qarori bilan tasdiqlangan “Oliy ta’lim tashkilotlarida tyutorlik faoliyatini tashkil etish tartibi to‘g‘risida”gi nizomning 17-bandida belgilangan quyidagi malaka talablariga amal qilinadi:

🔹 Oliy ma’lumotga (bakalavr) ega bo‘lish (ilmiy daraja va ilmiy unvonga ega nomzodlarga ustunlik beriladi);
🔹 Qonunchilik hujjatlariga muvofiq ta’lim berish huquqidan mahrum etilmagan bo‘lish;
🔹 Ma’naviy-ma’rifiy va tarbiyaviy ishlar uslubiyoti va amaliyotini chuqur anglash, pedagogik-psixologik bilim va tajribaga ega bo‘lish;
🔹 Namunaviy shaxsiy fazilatlarga, jumladan, madaniyatli, mas’uliyatli, kirishuvchan, vatanparvar va tashabbuskor bo‘lish;
🔹 Mustaqil qaror qabul qilish ko‘nikmasiga ega bo‘lish.

🔷 Nizomning 17-bandida belgilangan malaka talablariga javob bermaydigan nomzodlar tyutorlik lavozimiga tayinlanmaydi.

Barcha qiziqqan nomzodlarni ochiq tanlovda faol ishtirok etishga chorlaymiz!

📍 Manzil: Andijon davlat texnika instituti, Yoshlar bilan ishlash, ma’naviyat va ma’rifat bo‘limi.