Yoshlarni Vatanga muhabbat, harbiy burchga sadoqat ruhida tarbiyalash, ular orasida sog‘lom turmush tarzini targ‘ib qilish, qolaversa tashabbuskor, shijoatli yoshlarni birlashtirish, ularning intellektual va ijodiy salohiyatini ro‘yobga chiqarish maqsadida Milliy gvardiya Andijon viloyati boshqarmasida Andijon viloyati oliy ta’lim muassalari talaba-yoshlari o’rtasida “Yosh gvardiyachi” harbiy-sport musobaqasining saralash bosqichi bo‘lib o‘tdi.

Tadbir davomida talaba-yoshlarga  zamonaviy harbiy qurol-aslaha koʻrgazmalari, qoʻl jangi chiqishlari namoyish etildi. “Dolzarb 90 kun” loyihasi doirasida o’tkazilayotgan vatanparvarlik sport tadbirlari davomiy hisoblanib, viloyat oliy ta’lim muassalari bilan uzviy tarzda olib boriladi.